ខេត្តកំពង់ស្ពឺ ៖ កូនកំលោះ កូនក្រមុំថ្មោងថ្មីមួយគូបានអាក់ខានផ្សំ ដំណេកដោយសារតែមានជនទំនើងមួយ ក្រុមជិះរថយន្តកុងតឺន័រទៅបង្កការអុកឡុក និងវាយតប់ភ្ញៀវ ចូលរួមក្នុងពិធីមង្គលការបណ្តាលឱ្យ រងរបួសជាច្រើននាក់ ក្នុងនោះក៏មានកូនកំលោះផងដែរ។
ហេតុការណ៍នេះបានបង្កឱ្យមានការ ភ្ញាក់ផ្អើលកាលពីវេលាម៉ោង១០ និង៣០នាទីយប់ ថ្ងៃទី១៦ មីនា ២០១៤ នៅភូមិផ្គង់ សង្កាត់ច្បារមន ក្រុងច្បារមន ។ កូនកំលោះត្រូវគេស្គាល់ឈ្មោះ ជ័យ ចាន់ថេត អាយុ២៤ឆ្នាំ មានទីលំនៅភូមិ អូរក្រាំងអំបិល ឃុំ ត្រពាំងជង ស្រុក សំរោងទង រីឯកូនក្រមុំឈ្មោះ សេង ចាន់ឡេង អាយុ២០ឆ្នាំ មានទីលំនៅកន្លែងកើតហេតុខាងលើ។
តាមការបំភ្លឺពីកូនកំលោះបានឱ្យដឹងថា ក្រោយពិធីទទួលភ្ញៀវចប់ ក៏មានការរាំលេងកម្សាន្ត ខណៈពេលភ្ញៀវកំពុង រាំលេងសុខៗស្រាប់តែលេចមុខ ជនមួយក្រុមប្រដាប់ដោយដំបងដែក គ្រប់ដៃបានមកបង្កការអុកឡុក វាយទៅលើភ្ញៀវដែលកំពុងរាំ បណ្តាលឱ្យមានអ្នករបួសធ្ងន់ និងស្រាល ក្នុងនោះរូបគេជាកូនកំលោះ ត្រូវជនដៃដល់វាយបាក់ខ្ទង់ ច្រមុះផងដែរ។
ប្រភពបន្តទៀតថា ក្រោយបង្កហេតុរួច ក្រុមជនដៃដល់បាននាំគ្នាឡើង ជិះរថយន្តកុងតឺន័ររត់បាត់អស់ ពេលនោះក្រុមគ្រួសារខាង កូនកំលោះគិតថាក្រុមបង្កទៅបាត់ ណាមួយពិធីចប់ផងក៏នាំគ្នាជិះម៉ូតូ និងរថយន្តត្រឡប់ទៅផ្ទះវិញ។ លុះធ្វើដំណើរទៅដល់ភូមិចំការដូង សង្កាត់ច្បារមន ក្រុងច្បារមន ស្រាប់តែលេចមុខក្រុម បង្កដដែលនេះម្តងទៀតបាន ធ្វើសកម្មភាពស្ទាក់វាយម៉ូតូ និងរថយន្តក្រុមគ្រួសារកូនកំលោះជាថ្មីម្តងទៀត។ ដោយគ្មានអ្វីតបតបងប្អូនកូនកំលោះ រួមទាំងម្តាយផងនោះបាននាំគ្នារត់ចោលម៉ូតូ និងរថយន្ត ហើយមកសុំផ្ទះអ្នក នៅក្បែរនោះជ្រករហូតដល់ មានសមត្ថកិច្ចមកដល់ទើបហ៊ានចេញក្រៅ។
លោកអនុសេនីយ៍ទោ ណយ សារិទ្ធ នាយប៉ុស្តិ៍រដ្ឋបាលរកាធំ បានឱ្យដឹងថា នៅវេលាម៉ោង១២ និង១៥នាទីយប់ ថ្ងៃទី១៦ មីនា ២០១៤ បានទទួលទូរស័ព្ទពីប្រជាពលរដ្ឋថា មានការប្រើហិង្សាវាយតប់ពីសំណាក់ជនទំនើង មួយក្រុមជិះរថយន្តកុងតឺន័រ រូបលោករួមនិងកម្លាំងបានចុះទៅ ដល់កន្លែងកើតហេតុបានឃើញសកម្មភាព ជនបង្កវាយទៅលើជនរងគ្រោះ ខណៈនោះកម្លាំងរបស់លោកបានឃាត់ខ្លួនជនទំនើងបានម្នាក់ ចំណែកបក្សពួករបស់គេ បានបោះដំបងចោល ហើយរត់ឡើងកុងតឺន័របើករត់បាត់អស់។
នៅចំពោះមុខសមត្ថកិច្ចជនដៃដល់ឈ្មោះ រុង ភារៈ បានឆ្លើយសារភាពថា រូបគេ និងមិត្តភក្តិបានមកចូលរួមក្នុងពិធី មង្គលការនេះដែរ ហើយពេលរាំលេងកើតមាន ជម្លោះគ្នាក្លាយទៅជារឿងបែបនេះទៅ។ តែទោះជាយ៉ាងនេះ ក្តីត្រូវបានកូនកម្រុំឈ្មោះសេង ចាន់ឡេង ហៅយូរីឆ្លើយបដិសេធថា ខាងនាងមិនបានហៅពួកនេះ(ជនដៃដល់) និងបក្សពួកឱ្យចូលរួមពិធីមង្គលការទេ ហើយក៏មិនដែលស្គាល់ពួកគេដែរ។
បច្ចុប្បន្នជនដៃដល់ត្រូវបានឃាត់ ខ្លួននៅអធិការដ្ឋានក្រុងច្បារមនរង់ ចាំបញ្ជូនបន្តតាមនីតិវិធី តែអ្វីដែលគួរកត់សម្គាល់នោះគឺរាត្រីទឹកឃ្មុំបាន ក្លាយជារាត្រីទឹកខ្មេះដោយសារកូនកំលោះ ត្រូវគេវាយបាក់ខ្ទង់ច្រមុះ៕
ហេតុការណ៍នេះបានបង្កឱ្យមានការ ភ្ញាក់ផ្អើលកាលពីវេលាម៉ោង១០ និង៣០នាទីយប់ ថ្ងៃទី១៦ មីនា ២០១៤ នៅភូមិផ្គង់ សង្កាត់ច្បារមន ក្រុងច្បារមន ។ កូនកំលោះត្រូវគេស្គាល់ឈ្មោះ ជ័យ ចាន់ថេត អាយុ២៤ឆ្នាំ មានទីលំនៅភូមិ អូរក្រាំងអំបិល ឃុំ ត្រពាំងជង ស្រុក សំរោងទង រីឯកូនក្រមុំឈ្មោះ សេង ចាន់ឡេង អាយុ២០ឆ្នាំ មានទីលំនៅកន្លែងកើតហេតុខាងលើ។
តាមការបំភ្លឺពីកូនកំលោះបានឱ្យដឹងថា ក្រោយពិធីទទួលភ្ញៀវចប់ ក៏មានការរាំលេងកម្សាន្ត ខណៈពេលភ្ញៀវកំពុង រាំលេងសុខៗស្រាប់តែលេចមុខ ជនមួយក្រុមប្រដាប់ដោយដំបងដែក គ្រប់ដៃបានមកបង្កការអុកឡុក វាយទៅលើភ្ញៀវដែលកំពុងរាំ បណ្តាលឱ្យមានអ្នករបួសធ្ងន់ និងស្រាល ក្នុងនោះរូបគេជាកូនកំលោះ ត្រូវជនដៃដល់វាយបាក់ខ្ទង់ ច្រមុះផងដែរ។
ប្រភពបន្តទៀតថា ក្រោយបង្កហេតុរួច ក្រុមជនដៃដល់បាននាំគ្នាឡើង ជិះរថយន្តកុងតឺន័ររត់បាត់អស់ ពេលនោះក្រុមគ្រួសារខាង កូនកំលោះគិតថាក្រុមបង្កទៅបាត់ ណាមួយពិធីចប់ផងក៏នាំគ្នាជិះម៉ូតូ និងរថយន្តត្រឡប់ទៅផ្ទះវិញ។ លុះធ្វើដំណើរទៅដល់ភូមិចំការដូង សង្កាត់ច្បារមន ក្រុងច្បារមន ស្រាប់តែលេចមុខក្រុម បង្កដដែលនេះម្តងទៀតបាន ធ្វើសកម្មភាពស្ទាក់វាយម៉ូតូ និងរថយន្តក្រុមគ្រួសារកូនកំលោះជាថ្មីម្តងទៀត។ ដោយគ្មានអ្វីតបតបងប្អូនកូនកំលោះ រួមទាំងម្តាយផងនោះបាននាំគ្នារត់ចោលម៉ូតូ និងរថយន្ត ហើយមកសុំផ្ទះអ្នក នៅក្បែរនោះជ្រករហូតដល់ មានសមត្ថកិច្ចមកដល់ទើបហ៊ានចេញក្រៅ។
លោកអនុសេនីយ៍ទោ ណយ សារិទ្ធ នាយប៉ុស្តិ៍រដ្ឋបាលរកាធំ បានឱ្យដឹងថា នៅវេលាម៉ោង១២ និង១៥នាទីយប់ ថ្ងៃទី១៦ មីនា ២០១៤ បានទទួលទូរស័ព្ទពីប្រជាពលរដ្ឋថា មានការប្រើហិង្សាវាយតប់ពីសំណាក់ជនទំនើង មួយក្រុមជិះរថយន្តកុងតឺន័រ រូបលោករួមនិងកម្លាំងបានចុះទៅ ដល់កន្លែងកើតហេតុបានឃើញសកម្មភាព ជនបង្កវាយទៅលើជនរងគ្រោះ ខណៈនោះកម្លាំងរបស់លោកបានឃាត់ខ្លួនជនទំនើងបានម្នាក់ ចំណែកបក្សពួករបស់គេ បានបោះដំបងចោល ហើយរត់ឡើងកុងតឺន័របើករត់បាត់អស់។
នៅចំពោះមុខសមត្ថកិច្ចជនដៃដល់ឈ្មោះ រុង ភារៈ បានឆ្លើយសារភាពថា រូបគេ និងមិត្តភក្តិបានមកចូលរួមក្នុងពិធី មង្គលការនេះដែរ ហើយពេលរាំលេងកើតមាន ជម្លោះគ្នាក្លាយទៅជារឿងបែបនេះទៅ។ តែទោះជាយ៉ាងនេះ ក្តីត្រូវបានកូនកម្រុំឈ្មោះសេង ចាន់ឡេង ហៅយូរីឆ្លើយបដិសេធថា ខាងនាងមិនបានហៅពួកនេះ(ជនដៃដល់) និងបក្សពួកឱ្យចូលរួមពិធីមង្គលការទេ ហើយក៏មិនដែលស្គាល់ពួកគេដែរ។
បច្ចុប្បន្នជនដៃដល់ត្រូវបានឃាត់ ខ្លួននៅអធិការដ្ឋានក្រុងច្បារមនរង់ ចាំបញ្ជូនបន្តតាមនីតិវិធី តែអ្វីដែលគួរកត់សម្គាល់នោះគឺរាត្រីទឹកឃ្មុំបាន ក្លាយជារាត្រីទឹកខ្មេះដោយសារកូនកំលោះ ត្រូវគេវាយបាក់ខ្ទង់ច្រមុះ៕
ប្រភព ដោយ : កោះសន្តិភាព
