ថ្មីៗនេះ អតីតតារាសម្ដែងសិចស៊ី កញ្ញា ឆៃ លីដាឡែន បានក្លាយជាប្រធានបទដ៏ពេញនិយមមួយរបស់មហាជនជាច្រើន បន្ទាប់ពីនាងបញ្ចេញរូបថតស្និទ្ធស្នាលជាមួយបុរសសង្ហាម្នាក់ អមដោយពាក្យពេចន៍ក្នុងន័យស្នេហាមួយចំនួនក្នុងបណ្ដាញ Facebook។
“អរគុណ Honey ដែលតែងតែនៅក្បែរខ្ញុំជានិច្ចទោះជិតក្ដីឆ្ងាយក្ដី”។ ពាក្យមួយឃ្លានេះហើយ ដែលធ្វើឲ្យមហាជនយល់ថា អតីតតារាសិចស៊ីរូបនេះ ប្រហែលជាមានទំនាក់ទំនងលើសពីធម្មតាជាមួយបុរសម្នាក់ នៅក្នុងរូបថតដែលនាងបានបង្ហោះមក។ ម្យ៉ាងទៀត គេបានឃើញបុរសម្នាក់នោះទៅណាមកណាជាមួយ កញ្ញា ឆៃ លីដាឡែន សូម្បីតែការប្រគំតន្ត្រីតាមខេត្ត ឬ ថតចម្រៀងខារ៉ាអូខេឲ្យផលិតកម្ម Town នៅទន្លេបាទី កាលពីសប្ដាហ៍មុនក៏ដោយ។
ចំពោះរឿងរ៉ាវនៃក្ដីស្នេហ៍នេះពិត ឬយ៉ាងណានោះមានតែរង់ចាំតាមដានទាំងអស់គ្នាជាបន្តទៀតតែប៉ុណ្ណោះ។ ប៉ុន្តែចំពោះប្រិយមិត្តវិញមានទស្សនៈបែបណាចំពោះរឿងរ៉ាវស្នេហាមួយនេះ? គួរបញ្ចាក់ផងដែរថា កញ្ញា ឆៃ លីដាឡែន មួយរយៈចុងក្រោយនេះកំពុងតែមានហាងឆេងឡើងវិញតាមរយៈការសម្ដែងនៅក្រៅប្រទេស និងតាមបណ្ដាខេត្តនានា ខណៈដែលមិនសូវជាកាក់កបតាមការបង្ហាញមុខតាមទូរទស្សន៏ប៉ុន្មានឡើយ បន្ទាប់ពីទទួលបានការប្រមានពីក្រសួងមន្ទីរ ដែលពាក់ព័ន្ធកន្លងមកក្នុងការស្លៀកពាក់សិចស៊ីជ្រុល៕
