កម្មការិនីមាន ផ្ទៃពោះ៤ខែម្នាក់ រងការប៉ះទង្គិច ជាមួយកងកម្លាំងប្រដាប់អាវុធចម្រុះ ខណៈដែលកម្មកររោងចក្រកាត់ដេរ QMIB ប្រមាណ៣០០០នាក់ នៅព្រឹកថ្ងៃសៅរ៍នេះ តវ៉ាបិទកំណាត់ផ្លូវជាតិលេខ៤ នៅស្រុកអង្គស្នួលខេត្តកណ្តាល។
កម្មកររោងចក្រកាត់ដេរ QMIB នៅព្រឹកថ្ងៃសៅរ៍នេះ ប្រមូលផ្តុំគ្នាព្រមាន បិទផ្លូវជាតិលេខ៤ នៅត្រង់ចំណុចភូមិត្រយឹង ឃុំពើក ស្រុកអង្គស្នួល ខេត្តកណ្តាល ដើម្បីទាមទារឲ្យដោះលែងតំណាងរបស់ពួកគេ៣នាក់ ដែលខាងមន្ទីរខេត្តចាប់កាលពីម្សិលមិញ។
កម្មការិនី ជា លក្ខិណា បានថ្លែងប្រាប់អ្នកសារពត៌មាន នៅព្រឹកថ្ងៃសៅរ៍ ទី១០ ខែឧសភានេះថា កម្លាំងសមត្ថកិច្ចចម្រុះបានប្រើហិង្សាលើកម្មករ ខណៈពួកគេភាគច្រើនជាស្ត្រី ធ្វើកូដកម្មបិទកំណាត់ផ្លូវជាតិលេខ៤ ទាមទារឲ្យដោះលែងតំណាងកម្មករបីនាក់ ពេលនោះមានការរុញច្រានប្រើដំបងឆក់ បណ្តាលឲ្យ ប៉ះទង្គិចលើកម្មការិនី មានផ្ទៃពោះ៤ខែម្នាក់ រហូតមកដល់ពេលនេះស្ត្រីរូបនោះ កំពុងតែមានការឈឺចុកចាប់ អង្គុយនៅនិងមួយកន្លែង។
អ្នកនាងបន្តថា ក្រៅពីស្ត្រីម្នាក់នោះនៅ មានកម្មករភាគច្រើនជាស្ត្រីផ្សេងទៀត បានប៉ះទង្គិចជាមួយកម្លាំងសមត្ថកិច្ច ហើយរងការគំរាមថា វាយទម្លាក់ចូលក្នុងប្រឡាយទឹក។
កម្មការិនីមានផ្ទៃពោះ៤ខែរងគ្រោះឈ្មោះ ខៀវ ម៉ៅ សំណូមពរឲ្យអង្គការសង្គមស៊ីវិល និងស្ថាប័នពាក់ព័ន្ធ ជួយអន្តរាគមន៍ករណីពួកគេផង ខណៈពេលនេះកម្មកររោងចក្រ QMIBកំពុងតែរងនូវការគាបសង្កត់ ពីសំណាក់ថៅកែ មិនតែប៉ុណ្តោះត្រូវបានអាជ្ញាធរ ប្រើប្រាស់ហិង្សាដាក់ទៀត។
កាលពីម្សិលមិញក្រសួងមហាផ្ទៃ បានកោះហៅតំណាងកម្មករបីនាក់ ទៅសាកសួរនៅក្រសួងមហាផ្ទៃ ដោយក្រុមហ៊ុនចោទថា ពួកគេបានញុះញង់កម្មករឲ្យធ្វើ កូដកម្មអស់រយៈពេលជិតមួយសប្តាហ៍មកហើយ ។ ស្របពេលនោះដែរ ខណៈនៅតែមិនឃើញ តំណាងរបស់ខ្លួនទាំងបីនាក់នោះចេញមកវិញ កម្មករបាននាំគ្នាតវ៉ានៅ មុខក្រសួងមហាផ្ទៃទាមទារ ឲ្យដោះលែងតំណាងពួកគេ តែមន្ត្រីក្រសួងមហាផ្ទៃប្រាប់ថា សមត្ថកិច្ចបានបញ្ចូនអ្នកទាំងបីនោះ ទៅស្នងការខេត្តកណ្តាលវិញហើយ៕
កម្មកររោងចក្រកាត់ដេរ QMIB នៅព្រឹកថ្ងៃសៅរ៍នេះ ប្រមូលផ្តុំគ្នាព្រមាន បិទផ្លូវជាតិលេខ៤ នៅត្រង់ចំណុចភូមិត្រយឹង ឃុំពើក ស្រុកអង្គស្នួល ខេត្តកណ្តាល ដើម្បីទាមទារឲ្យដោះលែងតំណាងរបស់ពួកគេ៣នាក់ ដែលខាងមន្ទីរខេត្តចាប់កាលពីម្សិលមិញ។
កម្មការិនី ជា លក្ខិណា បានថ្លែងប្រាប់អ្នកសារពត៌មាន នៅព្រឹកថ្ងៃសៅរ៍ ទី១០ ខែឧសភានេះថា កម្លាំងសមត្ថកិច្ចចម្រុះបានប្រើហិង្សាលើកម្មករ ខណៈពួកគេភាគច្រើនជាស្ត្រី ធ្វើកូដកម្មបិទកំណាត់ផ្លូវជាតិលេខ៤ ទាមទារឲ្យដោះលែងតំណាងកម្មករបីនាក់ ពេលនោះមានការរុញច្រានប្រើដំបងឆក់ បណ្តាលឲ្យ ប៉ះទង្គិចលើកម្មការិនី មានផ្ទៃពោះ៤ខែម្នាក់ រហូតមកដល់ពេលនេះស្ត្រីរូបនោះ កំពុងតែមានការឈឺចុកចាប់ អង្គុយនៅនិងមួយកន្លែង។
អ្នកនាងបន្តថា ក្រៅពីស្ត្រីម្នាក់នោះនៅ មានកម្មករភាគច្រើនជាស្ត្រីផ្សេងទៀត បានប៉ះទង្គិចជាមួយកម្លាំងសមត្ថកិច្ច ហើយរងការគំរាមថា វាយទម្លាក់ចូលក្នុងប្រឡាយទឹក។
កម្មការិនីមានផ្ទៃពោះ៤ខែរងគ្រោះឈ្មោះ ខៀវ ម៉ៅ សំណូមពរឲ្យអង្គការសង្គមស៊ីវិល និងស្ថាប័នពាក់ព័ន្ធ ជួយអន្តរាគមន៍ករណីពួកគេផង ខណៈពេលនេះកម្មកររោងចក្រ QMIBកំពុងតែរងនូវការគាបសង្កត់ ពីសំណាក់ថៅកែ មិនតែប៉ុណ្តោះត្រូវបានអាជ្ញាធរ ប្រើប្រាស់ហិង្សាដាក់ទៀត។
កាលពីម្សិលមិញក្រសួងមហាផ្ទៃ បានកោះហៅតំណាងកម្មករបីនាក់ ទៅសាកសួរនៅក្រសួងមហាផ្ទៃ ដោយក្រុមហ៊ុនចោទថា ពួកគេបានញុះញង់កម្មករឲ្យធ្វើ កូដកម្មអស់រយៈពេលជិតមួយសប្តាហ៍មកហើយ ។ ស្របពេលនោះដែរ ខណៈនៅតែមិនឃើញ តំណាងរបស់ខ្លួនទាំងបីនាក់នោះចេញមកវិញ កម្មករបាននាំគ្នាតវ៉ានៅ មុខក្រសួងមហាផ្ទៃទាមទារ ឲ្យដោះលែងតំណាងពួកគេ តែមន្ត្រីក្រសួងមហាផ្ទៃប្រាប់ថា សមត្ថកិច្ចបានបញ្ចូនអ្នកទាំងបីនោះ ទៅស្នងការខេត្តកណ្តាលវិញហើយ៕
ប្រភព ដោយ ៖ VOD
