សមាជិកព្រឹទ្ធសភាចំនួន ១៨រូបនិងអនុប្រធានម្នាក់របស់ស្ថាប័ននេះបានអំពាវនាវឲ្យលោកស្រីយីងឡាក់ឆាប់បង្ហាញភាពទន់ភ្លន់ខាងនយោបាយហើយបើពុំនោះទេស្ថានការណ៍ក្រុងបាងកកកាន់តែធ្ងន់ធ្ងរជាងនេះទៅទៀត។
ការព្រមានរបស់ក្រុមសមាជិកព្រឹទ្ធសភាទាំង ១៩រូបនេះបានកើតឡើងស្របពេលដែលអំពើហិង្សាបានផ្ទុះឡើងជាច្រើនកន្លែងនៅទីក្រុងបាងកកនិងបណ្ដាលខេត្តមួយចំនួន។
លោកអនុប្រធានព្រឹទ្ធសភា SurachaiLiengboonlertchai បានថ្លែងក្នុងសន្និសីទ្ធសារពត៌មានថាភាគីជំលោះទាំងពីរត្រូវតែគិតពីផលប្រយោជន៍ជាតិជាធំហើយមានការយោគយល់គ្នាឡើងវិញ។
នៅក្នុងព្រះរាជាណាចក្រថៃបច្ចុប្បន្ននេះពុំមានសភាដើម្បីគ្រប់គ្រងស្ថានការណ៍គឺមានតែព្រឹទ្ធសភាមួយប៉ុណ្ណោះព្រោះតែប្រទេសនេះបានរំលាយសភាកាលពីបីខែមុននេះ។
លោកអនុប្រធានព្រឹទ្ធសភាបានទទួចឲ្យកងកំលាំងសន្ដិសុខត្រូវទទួលខុសត្រូវខ្ពស់ពីបញ្ហាវិបត្តិនយោបាយនេះហើយមិនត្រូវបំពេញភារៈកិច្ចលំអៀងទៅខាងណាឡើយ។
ជាមួយគ្នានេះព្រឹទ្ធសភាក៏ទទូចឲ្យភាគីជំលោះទាំងពីរបញ្ចៀសការញ៉ុងញ៉ងណាមួយឲ្យមានហិង្សាថែមទៀត៕
ព្រឹទ្ធសភាថៃ៖លោកស្រីយីងឡាក់ត្រូវបន្ទន់ជំហរនយោបាយដើម្បីបង្រូបបង្រួមជាតិ
ប្រភព និង អត្ថបទ ដោយ : នួន បូរិន (VOD)
