នាយករដ្ឋមន្ត្រីថៃ ដ៏ចម្រូងចម្រាស់
គឺលោកស្រីយីងឡាក់ចាប់ផ្ដើមតថ្លៃជាមួយប្រព័ន្ធយុត្តិធម៌របស់ប្រទេស
ដោយអះអាងថាលោកស្រីជាមនុស្ស ស្លូតត្រង់
ប៉ុន្តែសំនេរក្នុងបណ្ដាញទំនាក់ទំនងសង្គមរបស់លោកស្រី
មិនបានសរសេរថាលោកស្រី ជាអ្នកនយោបាយស្អាតស្អំនោះទេ។
ការអះអាងរបស់លោកស្រីយីងឡាក់ បានធ្វើឡើងនៅថ្ងៃព្រហស្បតិ៍ ទី២០
ខែកុម្ភៈ ជាការឆ្លើយ ជាប្រវត្តិសាស្ត្រមួយ ទៅកាន់
គណៈកម្មាការប្រឆាំងអំពើពុករលួយ របស់ប្រទេស ហៅកាត់ថា (NACC) ដែល
បានចេញលិខិតជាផ្លូវការកោះហៅលោកស្រី មកបំភ្លឺ នៅថ្ងៃទី២៧
ខែកុម្ភៈ ករណីចោទថាធ្វើការមិនមានការប្រុងប្រយ័ត្ន បណ្ដោយឲ្យ បរាជ័យ
នៃគម្រោងអង្ករ ហើយបណ្ដោយមន្ត្រីថ្នាក់ក្រោម ប្រព្រឹត្តអំពើពុករលួយ
ក្នុងគម្រោងដ័៏ចម្រូងចម្រាស់នេះ។
ករណីនេះនឹងនាំ លោកស្រី បាត់បង់អំណាច ប្រសិនបើតុលាការរក កំហុសឃើញ តាមការស៊ើបអង្កេត របស់គណៈកម្មាការប្រឆាំង អំពើពុករលួយ។ លោកស្រីយីងឡាក់ ដែលប្រឈមនឹងការធ្វើបាតុកម្មតាមដងផ្លូវរយៈពេល
៤ខែ ដើម្បីបណ្ដេញលោកស្រី ពីអំណាច លោកស្រីបានចោទ សួរខ្លួនឯងថា
ហេតុអ្វីបានជា គណៈកម្មាការប្រឆាំង អំពើពុករលួយ ស៊ើបអង្កេតករណីនេះ
ចំពេលស្ថានការណ៍ នយោបាយ កំពុងតែមានវិបត្តិ។ លោកស្រីបានបញ្ជាក់ ថា «ខ្ញុំសូមអះអាងថា ខ្ញុំជាមនុស្ស គ្មានទោសពៃ គ្មានកំហុស ដូចករណីចោទប្រកាន់របស់ស្ថាប័ន ប្រឆាំងអំពើពុករលួយនេះឡើយ»។
លោកស្រីបានបន្តថា «សូម្បីខ្ញុំក៏
រងការចោទក្នុងបទព្រហ្មទណ្ឌដែរ ហើយ ប្រឈមនឹង ការដកហូតពីតំណែង ក៏ដោយ
តែ មានក្រុមខ្លះ នៅតែតវ៉ា ដើម្បីទំលាក់ខ្ញុំ និងផ្ដួលរំលំ រដ្ឋាភិបាល
របស់ខ្ញុំ ។ តែបែបនេះក្ដី ខ្ញុំត្រៀមសហការ ករណី នេះជានិច្ច»។
ក្រុមស៊ើបអង្កេត របស់គណៈកម្មាការប្រឆាំងអំពើពុករលួយ
បានរកឃើញករណីនេះដំបូងរបស់ខ្លួនថា បានធ្វើ ឲ្យកសិករ រាប់ម៉ឺននាក់
ខាតបង់ហើយជំពាក់បំណុល ធនាគារ នូវទឹកប្រាក់ រាប់ពាន់លានដុល្លារ ហើយ
បន្ថែមលើនេះទៀត ជាការលើកទឹកចិត្តឲ្យមានអំពើពុករលួយ។
កាលពីឆ្នាំ២០០៦ លោកថាក់ស៊ីន បងប្រុសរបស់ លោកស្រីយីងឡាក់
ក៏រងការចោទ ករណីពុករលួយនេះដែរ ដោយ
គណៈកម្មាការប្រឆាំងអំពើពុករលួយរបស់ប្រទេសនេះ ហើយទីបំផុត លោកថាក់ស៊ីន
បានសម្រេច មិនទទួលទោសហើយ ជ្រើសរើសយក ការគេចខ្លួនទៅរស់នៅបរទេស
មកដល់សព្វថ្ងៃនេះ។
ទន្ទឹមនឹងនេះ តុលាការស៊ីវិល បង្គាប់ឲ្យរដ្ឋាភិបាល កុំប្រើ
កម្លាំងប្រឆាំង បាតុករ ហើយបាន ដាក់កម្រិតលោកស្រី ឲ្យព្យាយាម
ចរចារជាមួយបាតុករ ដើម្បី បញ្ឈប់ហិង្សា នយោបាយ
បន្ទាប់ពីមនុស្ស១៦នាក់បានស្លាប់ ហើយរាប់រយនាក់រងរបួស
ដោយសារការប៉ះទង្គិច រវាងកម្លាំងសមត្ថកិច្ច និងបាតុករ។
ក្រុមអ្នកវិភាគ ថៃ ប្រមើលមើលថា ករណី លោកស្រីយីងឡាក់
ដែលជាប់បណ្ដឹង នៅក្នុងគម្រោងទិញអង្ករ ដ៍ចម្រូងចម្រាស់នេះ
ទំនងជាមានវាសនា ដូច បងប្រុសរបស់លោកស្រី ប៉ុន្តែ មិនប្រាកដថា
ស្ថានការណ៍ នៅក្រុងបាងកក ស្ងប់ស្ងាត់ ព្រោះ គេរំពឹងថា ក្រុមអាវ ក្រហម
នឹងផ្ទះការតវ៉ាវិញម្ដង៕
