បណ្ដាញប្រជាជនថៃ ដើម្បីការពារប្រជាធិបតេយ្យកាលពីថ្ងៃពុធ
បានដាក់ពាក្យបណ្ដឹងទៅកាន់ប្រធានព្រឹទ្ធសភា លោក នីខមវ៉ាយរ៉ាបានិច
ដោយស្នើរសុំព្រឹទ្ធសភា បណ្ដេញស្នងការគណៈកម្មការរៀបចំការបោះឆ្នោត
ព្រោះចោទថាទ្វេសប្រហែសការងារនៅក្នុងការចាត់ចែងរៀបចំការបោះឆ្នោត
ថ្ងៃ ទី២ កុម្ភៈ កន្លងទៅនេះ។
ពាក្យបណ្ដឹងដែលប្ដឹងដោយ លោក ប្រាវែតវ៉ាឡុកបាហាន
ដោយចុះហត្ថលេខាចំនួន 2ម៉ឺននាក់
ហើយនៅក្នុងពាក្យបណ្ដឹងនោះពួកគេបានចោទគណៈកម្មការរៀបចំការបោះឆ្នោត
ថាមិនបានរៀបចំការបោះឆ្នោតឲ្យបានចប់សព្វគ្រប់ព្រោះតែមិន
ចាត់វិធានការ
រារាំងក្រុមបាតុករប្រឆាំងដែលបង្ករអុកឡុកការចុះឈ្មោះបេក្ខជន
បោះឆ្នោតនិង
ការអុកឡុកការបោះឆ្នោតហើយជាលទ្ធផលមិនត្រូវបានប្រកាសជាផ្លូវការថា
ការបោះឆ្នោត ថ្ងៃទី២ កុម្ភៈ អាចទទួលស្គាល់ជាលក្ខណៈសាកលបានឡើយ។
យោងតាមពាក្យបណ្ដឹងនេះគឺគណៈកម្មការរៀបចំការបោះឆ្នោតមានចេតនា
ធ្វើឲ្យសិទ្ធិអ្នកបោះឆ្នោតត្រូវបានជាន់ឈ្លី។
បណ្ដាញប្រជាជនដើម្បីការពារប្រជាធិបតេយ្យដែលមាននិនាការណ៍ទៅរក
គណបក្សកាន់អំណាចរបស់ លោកស្រី យីងឡាក់ បានស្នើរឲ្យព្រឹទ្ធសភា
រុះរើស្នងការរៀបចំការបោះឆ្នោតទាំង៥នាក់ នោះដោយផ្អែកលើចំណុច២៧៤
នៃរដ្ឋធម្មនុញ្ញ។
ការបោះឆ្នោតថ្ងៃទី២ កុម្ភៈ មានអ្នកចេញទៅបោះឆ្នោត មិនដល់៥០
ភាគរយ ព្រោះក្រុមប្រឆាំងធ្វើពហិការ ខណៈក្រុមបាតុករ
អុកឡុងការិយាល័យបោះឆ្នោត បណ្ដាលឲ្យមណ្ឌលបោះឆ្នោត ចំនួន៤៥
ក្នុងចំណោម៣៧៥ បានបិទទាំងស្រុងហើយសម្រាប់មណ្ឌលក្រុងបាងកក
មានអ្នកចេញទៅបោះឆ្នោត បាន២៦ ភាគរយ និងនៅខេត្តភាគខាងត្បូង បាន
ជិត១០ ភាគរយប៉ុណ្ណោះ៕
