ភ្នំពេញ ៖ គ្រោះថ្នាក់ចរាចរមួយ ដែលបង្កឡើងដោយ រថយន្តកូរ៉េមួយតោន កន្លះមួយគ្រឿង បើកបញ្ច្រាស ទិស ហើយជ្រុលទៅ បុកផ្ទះប្រជាពលរដ្ឋ ហើយបន្តបុកលោកយាយម្នាក់ ដែលកំពុងឈរខ្ទាត ទៅបុកជញ្ជាំង ផ្ទះ ស្លាប់មួយ រំពេច កាលពីវេលាម៉ោង៣និង៣០នាទីរសៀលថ្ងៃទី២៧ កុម្ភៈ ២០១៤ នៅតាមបណ្តោយផ្លូវជាតិលេខ៥ ស្ថិតក្នុងផូមិឡកំបោរ សង្កាត់ស្វាយប៉ាក ខណ្ឌប្ញស្សីកែវ ។
នគរបាលមូលដ្ឋានបានឲ្យដឹងថា លោកយាយរងគ្រោះ រហូតបាត់បង់ជីវិត មានឈ្មោះ បាន ភូមិ អាយុ៧៣ឆ្នាំ ស្នាក់នៅផ្ទះលេខ៥៩២A ក្នុងភូមិកើតហេតុ ចំណែកអ្នកបើករថយន្តបង្កភ្លាមៗ ត្រូវបានសមត្ថកិច្ចឃាត់ខ្លួន ។
នគរបាលមូលដ្ឋានបានបន្តទៀតថា រថយន្តបង្កកូរ៉េមួយតោនកន្លះ ពាក់ស្លាកលេខ ភ្នំពេញ តាកែវ 2A-0996 ។
នគរបាលមូលដ្ឋានបានឲ្យដឹងបន្តទៀតថា មុនពេលកើតហេតុ រថយន្តបង្ក បើកតាមបណ្តោយផ្លូវជាតិលេខ៥ ទិសដៅពីជើង ទៅត្បូង លុះមកដល់ចំណុចកើតហេតុ បានបើកគេចរថយន្តមួយគ្រឿង ដែលបើកបញ្ច្រាសទិសគ្នា ហើយក៏ជ្រុលបុកចូលផ្ទះប្រជាពលរដ្ឋ និងលោកយាយដែលកំពុងឈរ ខ្ទាតប៉ះជញ្ជាំងបណ្តាលឱ្យស្លាប់ភ្លាមមួយរំពេច។
ក្រោយកើតហេតុ អ្នកបើករថយន្តបង្ក ត្រូវបានប្រជាពលរដ្ឋ ជិតខាងឃាត់ ប្រគល់ទៅ ឲ្យសមត្ថកិច្ច ។បច្ចុប្បន្នទាំង រថយន្ត និងអ្នកបើកបរ ត្រូវនគរបាល ចរាចរណ៍នាំយកទៅកាន់ការិយាល័យ ដើម្បីកសាង សំណុំរឿងបញ្ជូនទៅកាន់តុលាការចាត់ការបន្ត ។ ចំណែកសពលោយយាយរងគ្រោះ ត្រូវបានប្រគល់ទៅឲ្យក្រុមគ្រួសារ យកទៅធ្វើបុណ្យតាមប្រពៃណី៕
រថយន្តកូរ៉េ មួយគ្រឿងបើកលឿន បុករះផ្ទះប្រជាពលរដ្ឋ បណ្តាលឲ្យស្លាប់ លោកយាយ ម្នាក់
ប្រភព និង អត្ថបទ ដោយ : ដើមអម្ពិល
