កីឡាករជើងខ្លាំងសញ្ជាតិហ្វីលីពីន លោក
Manny Pacquiao នៅខែ មេសា ខាងមុខ
នឹងជួបជាមួយដៃគូប្រកួតស្បែកខ្មៅម្តងទៀត គឺលោក Timothy Bradley
ដែលជាការផ្គូរផ្គងឡើងវិញ បន្ទាប់ពី Pacquiao បានវាយឈ្នះកីឡាករ
Brandon Rios កាលពីថ្ងៃទី២៤ខែវិច្ឆិកា ឆ្នាំ២០១៣។
ការប្រកួតសងសឹកលើកទីពីរនេះ នឹងត្រូវប្រព្រឹត្តឡើងនៅ ថ្ងៃទី១២ ខែមេសា ឆ្នាំ២០១៤ នៅឡាសវេហ្គាស សហរដ្ឋអាមេរិក។
កាលពីការប្រកួតក្នុងឆ្នាំ២០១២ ការសម្រេចរបស់អាជ្ញាកណ្តាលឲ្យ Timothy Bradley ឈ្នះដោយពិន្ទុហាក់ដូចជាមានភាពចម្រូងចម្រាស់ ដែលទស្សនិកជនមិននឹកស្មានដល់។
កាលពីខែធ្នូ ឆ្នាំ២០១២ លោក Pacquiao
ត្រូវបានអ្នកប្រដាល់ម៉ិកស៊ិក លោក Manuel Marquez
វាយឲ្យសន្លប់ទឹកទី៦នៅទីក្រុង Las Vegas ។
លោក Manny Pacquiao
ជាអ្នកប្រដាល់សំណព្វចិត្តក្នុងទ្វីបអាស៊ី អាយុ៣៤ឆ្នាំ
មានកំណត់ត្រាប្រកួត ៦២ដង ដោយឈ្នះ៥៥ ស្មើ២ និងចាញ់៥ ហើយក្នុងនោះ
លោកផ្ដួលគូប្រកួតឲ្យសន្លប់ ៣៨ដង។
ចំណែក លោក Timothy Bradley
អាយុ៣១ឆ្នាំ មានកំណត់ត្រាប្រកួត៣១ដង ឈ្នះ៣១ដង មិនដែលចាញ់
មិនដែលស្មើ និងវាយគូប្រកួតឲ្យសន្លប់ចំនួន១២ដង៕
ដោយ៖ វីអូឌី (VOD)
