ថៃ៖ យោងតាមកាសែតប៉ាងកកប៉ុស្ត៍ ប៉ូលិសបាននិយាយថា បុរស៣នាក់ និងស្ត្រី៣នាក់បានស្លាប់ និង៤នាក់ទៀតរងរបួសធ្ងន់នៅពេលរថយន្តមួយបាំងកន្លះមួយបានបុកសសរស្ពាននៅខេត្តចុន ប៊ូរីកាលពីព្រឹកថ្ងៃអាទិត្យ។
វរសេនីយ៍ប៉ូលិស លោកផនឆៃ ប៉ាកស៊ីរិថាម អធិការស្រុកស៊ី រ៉ាចារបស់ខេត្ត បាននិយាយថារថយន្តមួយបាំងកន្លះបានបុកសសរស្ពាននៅម៉ោងប្រមាណ៥ព្រឹក។មនុស្ស៦នាក់ រួមមានអ្នកបើក បានស្លាប់ក្នុងគ្រោះថ្នាក់នេះ និងរថយន្តបានខូចខាតស្ទើរទាំងស្រុង។អ្នកដំណើរ៤នាក់ត្រូវបានគ្រវែងចេញពីរថយន្ត និងធ្លាក់លើផ្លូវ ។
លោកផនឆៃ បាននិយាយថា អ្នកដំណើរទាំងអស់ជាកម្មករកម្ពុជា និងអ្នកបើកបរជាជនជាតិថៃ។ ប៉ូលិសបាននិយាយថា រថយន្តបានបើកលឿននិងបាត់បង់ម្ចាស់ការ ហើយប៉ូលិសសង្ស័យថាកម្មករកម្ពុជាត្រូវបានគេលួចនាំចូលថៃនិងកំពុងនាំទៅកាន់ខេត្តរ៉ាយ៉ងទើបរថយន្តបើកលឿនដូច្នេះ៕
