ចិន ៖ ចិនបានដាក់ពង្រាយ ផ្កាយរណប២១ ដើម្បីពិនិត្យរកមើលសព្វ ដីនិងដែនសមុទ្រ នូវយន្តហោះម៉ាឡេស៊ី ដែលកំពុងបាត់ខ្លួនមួយ នៅពេលអូស្ត្រាលីបាន និយាយថាខ្លួនបំព្រួញតំបន់រុករករបស់ខ្លួនយ៉ាងច្រើន តែនៅតែតាមរកពីលើសមុទ្រ ដែលមានទំហំប៉ុនអេស្បាញ និង ព័រទុយហ្កាល់។
ម៉ាឡេស៊ីកាលពី ថ្ងៃម្សិលមិញបាននិយាយ ថាខ្លួនបានប្រជុំជាមួយ រដ្ឋមន្ត្រីអាមេរិក និង ចិនអំពីការតាមរកយន្តហោះ ម៉ាឡេស៊ីជើងហោះហើរMH370 ក្នុងប្រតិបត្តិការដែលមានការ ចូលរួមពី២៦ប្រទេសដែលឥឡូវរីក ពេញអាស៊ី ចាប់ពីសមុទ្រCaspianទៅដល់ មហាសមុទ្រឥណ្ឌា។ ពួកអ្នកស៊ើបអង្កេតឥឡូវ ជឿថាមាននរណាម្នាក់ ដែលមានចំណេះដឹងអំពី យន្តហោះBoeing 777-200ER និងនាវាចរណនៃ យន្តហោះពាណិជ្ជកម្ម បានបង្វែរទិសរបស់យន្តហោះ ដែលដឹកនាវិក១២នាក់និងអ្នកដំណើរ២២៧ នាក់ដល់ចម្ងាយរាប់ពាន់គីឡូម៉ែត្រ ពីផ្លូវដើមរបស់វាពីក្រុងគូឡា ឡាំពួទៅក្រុងប៉េកាំង។
តែការត្រួតពិនិត្យសវតា របស់គ្រប់គ្នានៅក្នុងយន្តហោះ មិនបានបង្ហាញថា នរណាម្នាក់មានហេតុផលនយោបាយ ឬបទឧក្រិដ្ឋដើម្បីទម្លាក់យន្តហោះ ឬក៏ចាប់ពង្រត់វាទេ នេះបើតាមប្រភពសន្តិសុខ បស្ចិមប្រទេសនិងអាជ្ញាធរចិន។ ចិនបានចាប់ផ្តើមស្វែងរក យន្តហោះដែលបាត់នៅក្នុង ទឹកដីរបស់ខ្លួនផងដែរ នៅរបៀងខាងជើង នេះបើតាមការបញ្ចេញអោយ ដឹងពីទីភ្នាក់ងារសារ ព័ត៌មានស៊ីនហួរ។ អ្នកនាំពាក្យក្រសួងការបរទេសចិន លោកហុងឡី បាននិយាយថា "តាមសំណើរបស់ម៉ាឡេស៊ី យើងប្រមូលផ្កាយរណប និងរ៉ាដាដើម្បីតាមរកលើទឹកដី ចិននៅរបៀងខាងជើងដែលម៉ាឡេស៊ីបាននិយាយថា យន្តហោះអាចហោះកាត់ទីនោះ"។
ក្នុងពេលជាមួយគ្នា ពួកមន្ត្រីម៉ាឡេស៊ីបាននិយាយថា ការធ្វើអត្តឃាតដោយ អាកាសយានិកឬយានិកអមកំពុងត្រូវបានស៊ើប អង្កេតតែទោះជាយ៉ាងណា ពួកគេសង្កត់ធ្ងន់ថា វាគ្រាន់តែជាលទ្ធភាពមួយ។ យន្តហោះBoeing 777ជើងហោះហើរMH370 បានបាត់ចេញពីរ៉ាដា ត្រួតពិនិត្យការហោះហើរនៅ ឯនាយឆ្នេរម៉ាឡេស៊ីនៅជាងមួយ ម៉ោងបន្ទាប់ពីវាចេញពី ក្រុង គូឡាឡាំពួរ។
ពួកអ្នកស៊ើបអង្កេតដែល ផ្សំទិន្នន័យបានមកពីរ៉ាដាយោធា និងផ្កាយរណប ជឿថានរណាម្នាក់បានបិទឧបករណ៍ transponder របស់យន្តហោះនិងប្រព័ន្ធ ACARS ដែលមានតួនាទីបញ្ជូន ចេញទិន្នន័យ ហើយយន្តហោះ បានបត់ទៅខាងលិច ដោយកាត់ឧបទ្វីបម៉ាឡេ តាមផ្លូវយន្តហោះពាណិជ្ជកម្ម មួយឆ្ពោះទៅឥណ្ឌា។ អ្វីដែលបានកើតឡើងនៅពេល បន្ទាប់មកទៀតវាមិនច្បាស់លាស់ ។ យន្តហោះអាចហោះ៦ម៉ោងទៀត ឬលើសពីនេះដោយចេញ ពីរ៉ាដាយោធាម៉ាឡេស៊ីនៅ ចម្ងាយប្រមាណជាង៣០០គីឡូ ម៉ែត្រពីកោះប៉េណាំង។
នៅម៉ាឡេស៊ី ឯណោះវិញ ប៉ូលិសបានឆែកឆេរផ្ទះ អាកាសយានិក Zaharie Ahmad Shah និងអាកាសយានិកអម Fariq Abdul Hamid នៅក្រុង គូឡាឡាំពួរ៕
(អាកាសយាននិក អូស្រ្តាលីនៅ ក្នុងយន្តហោះល្បាត AP-3C Orion
ដើម្បីស្គែនផ្ទៃសមុទ្រ ក្នុងអំឡុងប្រតិបត្តិការ រុករកយន្តហោះ)
ប្រភព ដោយ : HRnews24
