គណបក្សសង្គ្រោះជាតិ (CNRP) ប្រកាសធ្វើសមាជមហាជន នៅទីស្នាក់ការ បក្សវិញបន្ទាប់ ពីសមត្ថកិច្ចចម្រុះ នៅព្រឹកថ្ងៃអាទិត្យនេះ បានបិទច្រកចេញចូល ទីតាំងសំខាន់ៗ ដែលគណបក្សនេះចង់ យកដើម្បីធ្វើការ ប្រមូលផ្តុំបញ្ចេញមតិ។
កាលពីថ្ងៃសុក្រ ទី២៨ ខែមីនា ក្រសួងមហាផ្ទៃ បានព្រមានចាត់វិធាន ការតាមផ្លូវច្បាប់ មិនអនុញ្ញាតឲ្យគណបក្សសង្គ្រោះជាតិ រៀបចំសមាជមហាជន នៅទីតាំងសាធារណៈណាមួយក្នុងភូមិសាស្ត្ររាជធានីភ្នំពេញឡើយ តែអនុញ្ញាតឲ្យមានការរៀបចំពិធីនេះ នៅទីស្នាក់ការខ្លួន ឬទីតាំងឯកជនណាមួយ ដោយត្រូវសហការជាមួយសាលារាជធានីភ្នំពេញ ក្នុងការរៀបចំសន្តិសុខ និងសណ្តាប់ធ្នាប់។
ប្រធានគណបក្សសង្គ្រោះជាតិ សម រង្ស៊ី សរសេរនៅលើទំព័រ ហ្វេសប៊ុករបស់លោកថា បន្ទាប់ពីពិធីបង្សុកូលនៅមុខ មន្ទីររដ្ឋសភាចាស់ ចប់សព្វគ្រប់ គណបក្សនេះ នឹងរៀបចំធ្វើសមាជមហាជនដូចបានគ្រោងទុកនៅ ទីស្នាក់ការកណ្តាលគណបក្ស ផ្លូវជាតិលេខ២ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ។
មន្ត្រីជាន់ខ្ពស់គណបក្សសង្គ្រោះជាតិ លោកស្រី មូរ សុខហូរ ប្រាប់ VOD ឲ្យដឹងថា ការប្តូរទីតាំងសមាជនេះ គឺដើម្បីការពារសុវត្ថិភាពអ្នកគាំទ្រខ្លួន ខណៈដែលកម្លាំងសមត្ថកិច្ចចម្រុះ ក្រោមការបញ្ជារបស់គណបក្សកាន់អំណាច ត្រូវបានដាក់ពង្រាយនូវចំណុចសំខាន់ៗ នៃបរិវេណទីលានប្រជាធិបតេយ្យ និងម្តុំសួនច្បារវត្តបុទុមវត្តី នៅព្រឹកនេះ។
លោកស្រី បន្តថា ទោះបីជា សមាជនេះ មិនអាចធ្វើលើទីតាំង ដែលគណបក្សនេះ ចង់បានក្តី តែលោកស្រី អំពាវនាវដល់ ប្រជាពលរដ្ឋជាម្ចាស់ឆ្នោត ឲ្យចូលរួមសមាជនេះ ឲ្យបានច្រើន ដើម្បីបញ្ចេញមតិយោបល់ ប្រាប់ទៅថ្នាក់ដឹកនាំគណបក្សនេះ ពីអ្វីដែលខ្លួនចង់បាន។
សម្រាប់ លោក នី ចរិយា អ្នកតាមដានបញ្ហាសង្គម និងជាប្រធានផ្នែកស៊ើបអង្កេតសមាគមសិទ្ធិមនុស្ស អាដហុក មានប្រសាសន៍ថា លោកមានការសោកស្តាយ ដែលក្រសួងមហាផ្ទៃ និងសាលារាជធានី មិនអនុញ្ញាតឲ្យ ប្រជាពលរដ្ឋធ្វើសមាជនៅ ទីលានប្រជាធិបតេយ្យ ឬនៅសួនច្បារវត្តបុទុមវត្តី។ លោកយល់ថា ការហាមឃាត់នេះ គឺផ្ទុយនឹងរដ្ឋធម្មនុញ្ញទាំងស្រុង ដែលរាជរដ្ឋាភិបាល ត្រូវមានកាតព្វការពារប្រជាពលរដ្ឋ មិនត្រូវរារាំងក្នុងសកម្មភាពណាមួយ ដែលឈានដល់កើតមានអំពើហិង្សាឡើយ៕
កាលពីថ្ងៃសុក្រ ទី២៨ ខែមីនា ក្រសួងមហាផ្ទៃ បានព្រមានចាត់វិធាន ការតាមផ្លូវច្បាប់ មិនអនុញ្ញាតឲ្យគណបក្សសង្គ្រោះជាតិ រៀបចំសមាជមហាជន នៅទីតាំងសាធារណៈណាមួយក្នុងភូមិសាស្ត្ររាជធានីភ្នំពេញឡើយ តែអនុញ្ញាតឲ្យមានការរៀបចំពិធីនេះ នៅទីស្នាក់ការខ្លួន ឬទីតាំងឯកជនណាមួយ ដោយត្រូវសហការជាមួយសាលារាជធានីភ្នំពេញ ក្នុងការរៀបចំសន្តិសុខ និងសណ្តាប់ធ្នាប់។
ប្រធានគណបក្សសង្គ្រោះជាតិ សម រង្ស៊ី សរសេរនៅលើទំព័រ ហ្វេសប៊ុករបស់លោកថា បន្ទាប់ពីពិធីបង្សុកូលនៅមុខ មន្ទីររដ្ឋសភាចាស់ ចប់សព្វគ្រប់ គណបក្សនេះ នឹងរៀបចំធ្វើសមាជមហាជនដូចបានគ្រោងទុកនៅ ទីស្នាក់ការកណ្តាលគណបក្ស ផ្លូវជាតិលេខ២ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ។
មន្ត្រីជាន់ខ្ពស់គណបក្សសង្គ្រោះជាតិ លោកស្រី មូរ សុខហូរ ប្រាប់ VOD ឲ្យដឹងថា ការប្តូរទីតាំងសមាជនេះ គឺដើម្បីការពារសុវត្ថិភាពអ្នកគាំទ្រខ្លួន ខណៈដែលកម្លាំងសមត្ថកិច្ចចម្រុះ ក្រោមការបញ្ជារបស់គណបក្សកាន់អំណាច ត្រូវបានដាក់ពង្រាយនូវចំណុចសំខាន់ៗ នៃបរិវេណទីលានប្រជាធិបតេយ្យ និងម្តុំសួនច្បារវត្តបុទុមវត្តី នៅព្រឹកនេះ។
លោកស្រី បន្តថា ទោះបីជា សមាជនេះ មិនអាចធ្វើលើទីតាំង ដែលគណបក្សនេះ ចង់បានក្តី តែលោកស្រី អំពាវនាវដល់ ប្រជាពលរដ្ឋជាម្ចាស់ឆ្នោត ឲ្យចូលរួមសមាជនេះ ឲ្យបានច្រើន ដើម្បីបញ្ចេញមតិយោបល់ ប្រាប់ទៅថ្នាក់ដឹកនាំគណបក្សនេះ ពីអ្វីដែលខ្លួនចង់បាន។
សម្រាប់ លោក នី ចរិយា អ្នកតាមដានបញ្ហាសង្គម និងជាប្រធានផ្នែកស៊ើបអង្កេតសមាគមសិទ្ធិមនុស្ស អាដហុក មានប្រសាសន៍ថា លោកមានការសោកស្តាយ ដែលក្រសួងមហាផ្ទៃ និងសាលារាជធានី មិនអនុញ្ញាតឲ្យ ប្រជាពលរដ្ឋធ្វើសមាជនៅ ទីលានប្រជាធិបតេយ្យ ឬនៅសួនច្បារវត្តបុទុមវត្តី។ លោកយល់ថា ការហាមឃាត់នេះ គឺផ្ទុយនឹងរដ្ឋធម្មនុញ្ញទាំងស្រុង ដែលរាជរដ្ឋាភិបាល ត្រូវមានកាតព្វការពារប្រជាពលរដ្ឋ មិនត្រូវរារាំងក្នុងសកម្មភាពណាមួយ ដែលឈានដល់កើតមានអំពើហិង្សាឡើយ៕
ប្រភព ដោយ : VOD
