អ្នកនាំពាក្យអង្គការណាតូ មានប្រសាសាន៍ថា ប្រធានណាតូ Anders Fogh Rasmussen តាំងពីថ្ងៃច័ន្ទទី៣ ខែមិនា តែនៅថ្ងៃពុធនេះ ទើបមានការសម្រេច ថាត្រូវតែ បើកកិច្ចប្រជុំនេះជាបន្ទាន់គឺនៅពេលរសៀលថ្ងៃនេះ។
តាមព័ត៌មាន កិច្ចប្រជុំនេះ សំដៅទាមទារ ចំពោះមុខឯកអគ្គរដ្ឋទូត រុស្ស៊ី ឲ្យដកទ័ពចេញពីតំបន់ Crimea ហើយស្ដារ និតិសម្បទារតំបន់នោះឡើងវិញ។ កងទ័ពរុស្ស៊ីបានចូលលុកលុយ តំបន់ Crimea ជាច្រើនថ្ងៃមកនេះ គឺបន្ទាប់ពី សភាអ៊ុយគ្រេន បានដកហូត ប្រធានាធិបតីយ៉ាណូកូវិច ដែលជាប្រធានាធិបតី រណបប្រទេសរុស្ស៊ី ប៉ុន្តែ ក្រុងម៉ូស្គូ និយាយថា កាលដែល កងទ័ព របស់ខ្លួន បញ្ចូនមកដាក់ពង្រាយ នៅ តំបន់ Crimea គឺម្យ៉ាងគត់ ដើម្បីការពារអត្ថប្រយោជន៍ របស់ខ្លួន។ តំបន់ Crimea គឺជាតំបន់សេដ្ឋកិច្ចពិសេស រវាង អ៊ុយគ្រេន និងរុស្ស៊ី។
ប៉ុន្តែអ៊ុយគ្រេនជា រដ្ឋទើបតែរើបំរាស់ពី សហភាពសូវៀត នៅទសវត្ស1990 បន្ទាប់ពី ក្រុងម៉ូស្គូដែលកាន់របបសង្គមនិយមបាន រំលំរលាយតាមរយៈការបញ្ចប់សង្គ្រាមត្រជាក់ ។បើទោះជាយ៉ាងណា អ៊ុយគ្រេន នៅមិនទាន់ ចូលជាសមាជិក របស់អង្គការសទ្ធិសញ្ញាអត្លង់តិចខាងជើងនៅឡើយ។
ណាតូគឺជា អង្គការសទ្ធិសញ្ញាអត្លង់តិចខាងជើងដែលភាសាបារាំងហៅតាអូតង់ហើយអង់គ្លេសហៅថា កងទ័ពណាតូ។ ក្រុមកងទ័ពនេះ មាន ប្រទេស ជាសមាជិកចំនួន២៨ ហើយ ដឹកនាំដោយសហរដ្ឋអាមេរិក។ អង្កការនេះ បង្កើតឡើងក្រោយ ពិភពលោកបញ្ចប់សង្គ្រាមលោកលើកទីII ឆ្នាំ១៩៤៥ ជាពិសេសក្នុងសង្គ្រាមត្រជាក់ដើម្បីការពារប្រទេស ដែលជាសម្ព័ន្ធមិត្តរបស់ខ្លួន៕
ប្រភព និង អត្ថបទ ដោយ នួន បូរិន (VOD)
