អ្នកស្រី Marie Harf អាមេរិកពុំទាន់អាចបញ្ជាក់ពីពត៌មាន MH370 បានធ្លាក់ក្នុងសមុទ្រ
ក្នុងសន្និសីទកាសែតមួយរៀបចំឡើងជាច្រើនម៉ោង ក្រោយពេលលោកនាយករដ្ឋមន្ត្រី Najib Razak ប្រកាសថា យន្តហោះ MH370 បានធ្លាក់ចុះសមុទ្រ ហើយពុំមាននរណាម្នាក់នៅរស់ទេ។ ក្រោយពីបានលឺដូចនេះ អ្នកនាំពាក្យក្រសួងការបទេសអាមេរិក អ្នកស្រី Marie Harf ប្រកាសថាៈ "ខ្ញុំពុំទាន់ឃើញមានភស្តុតាងជាក់លាក់ណាមួយពីពត៌មាននេះទេ" ។ លោកស្រី បានបន្ថែមថា "ខ្ញុំគ្មានមូលហេតុអ្វីដើម្បីបដិសេធលើសេចក្តីប្រកាសនេះទេ ប៉ុន្តែគ្រាន់តែយើងខ្ញុំពុំទាន់ទទួលបាននូវពត៌មានច្បាស់លាស់មួយតែប៉ុណ្ណោះ "។ អ្នកស្រីបន្តថា ពេលនេះក្រុងវ៉ាស៊ីនតោនកំពុងធ្វើកិច្ចសហប្រតិបត្តិការ យ៉ាងជិតស្និទ្ធ ជាមួយរដ្ឋាភិបាលម៉ាឡេស៊ី ដើម្បីស៊ើបអង្កេតករណីយន្តហោះ MH370 ដែលបាត់ខ្លួនយ៉ាងអាថ៌កំបាំង នេះ។
គួររម្លឹកជូនផងដែរថានៅយប់ថ្ងៃច័ន្ទ ម្សិលមិញនេះនាយករដ្ឋមន្ត្រីម៉ាឡេស៊ី បានប្រកាសថា MH370 បានធ្លាក់នៅក្នុងមហាសមុទ្រឥណ្ឌា លើតំបន់សមុទ្រភាគខាងលិចទីក្រុង Perth របស់អូស្ត្រាលី ពុំមាននរណាម្នាក់នៅរស់រានមានជីវិតនោះទេ។ យ៉ាងណាមិញ មកទល់ពេលនេះ ពុំទាន់មានកងកម្លាំងស្វែងរករបស់ប្រទេសណាមួយ ស្រង់បានបំណែកមួយណាសោះ របស់ជើងហោះហើរ MH370 ក្នុងតំបន់សមុទ្រ ដែលគេរុករក និងទោះបីជាផ្កាយរណប និងយន្តហោះ របស់បណ្តាប្រទេស បានសម្លឹងឃើញ និងថតរូបពីវត្ថុ បានវត្ថុចម្លែកគួរអោយចាប់អារម្មណ៍ ជាច្រើននៅទីនោះក្តី ។
លោកស្រីបន្ថែមដូច្នេះថា វាហាក់ដូចជាការប្រញាប់ប្រញាល់ប្រកាសពេកហើយ ចំពោះដំណឹងនេះ! ហេតុនេះ ពុំមានអ្វីត្រូវសង្ស័យទៀតទេ ដែលសាច់ញាតិរបស់ជនរងគ្រោះ កំពុងប្រមូលផ្តុំនៅសណ្ឋាគារមួយ នាទីក្រុងប៉េកាំង បានស្រែករក ភស្តុតាងនោះ! ព្រមទាំងចោទប្រកាន់ថា រដ្ឋាភិបាល និង កងទ័ពម៉ាឡេស៊ី ជាឃាតករពិតប្រាកដ និងបន្តទាមទារឲ្យម៉ាឡេស៊ី ទទួលខុសត្រូវបន្ត ក្នុងការរុករក “ភស្តុតាង” ពិតៗ ។
សូមជម្រាបជូនផងដែរថា ស្ថាប័នសុវត្ថិភាពនាវាចរណ៍អូស្ត្រាលី (AMSA) ចំពោះយុទ្ធនាការរុករកថ្ងៃទី២៥ មីនា នេះត្រូវផ្អាកបណ្តោះអាសន្ន ដោយសារអាកាសធាតុអាក្រក់ ហើយរលកធំៗពេក (កន្លែងខ្លះដល់ទៅ ៤ ម៉ែត្រ, ខ្យល់ល្បឿន ៨០ គីឡូម៉ែត្រ/ម៉ោង ។ បើទោះជាយ៉ាងនេះក្តី ការុករកមិនត្រូវបានបោះបង់ចោលនោះទេ ពោលនៅពេលដែលអាកាសធាតុល្អប្រសើរឡើងវិញ គឺចាប់ផ្តើមរុករកជាថ្មីម្តងទៀតហើយ៕
កម្លាំងរុករកនៅតែបន្តបេសកកម្ម
