ការបាត់ខ្លួនយន្តហោះម៉ាឡេស៊ី ជើងហោះហើរMH370 គឺមិនមែនជាលើកទីមួយទេ ក្នុងប្រវត្តិសាស្ត្រអាកាសចរណ៍។ ខាងក្រោមនេះជារឿងរ៉ាវនៃការបាត់ដានយន្តហោះជាសមូហភាពមួយ កើតមានកាលពីជាងកន្លះសតវត្សរ៍មុន ហើយដែលមកទល់ពេលនេះនៅតែគ្មានដំណឹង។
ថ្ងៃទី៥ ខែធ្នូ 1945, វរសេនីយ៍ ថេលើរ(Taylor) នៅមូលដ្ឋានទ័ពអាកាសសហរដ្ឋអាមេរិក Naval Air Station Fort Lauderdale, រដ្ឋផ្លរីដា(Florida) បានដឹកនាំកងអនុសេនាតូចយន្តហោះមួយកង, ហោះទៅឆ្នេរសមុទ្រដើម្បីហ្វឹកហាត់ ។ ក្រុមនោះរួមមានយន្តហោះទម្លាក់គ្រាប់បែកធុន TBM Avenger ចំនួន៥គ្រឿង និងមានសមាជិកហោះហើរ១៤នាក់។ ការហោះហើរនេះ ត្រូវបានគេឲ្យលេខសម្គាល់ថាជើងហោះហើរលេខ១៩។
មិនយូរប៉ុន្មានបន្ទាប់ពីហោះចេញទៅ មេបញ្ជាការមូលដ្ឋានបានទទួលរបាយការណ៍បន្ទាន់មួយពីលោក Taylor រាយការណ៍ថា: “យើងបានវង្វេងហើយ ... មានរឿងចម្លែកបានកើតឡើង ... ហាក់ដូចជាមានកម្លាំងអ្វីមួយតម្រង់ផ្លូវ ... ពួកយើងដាំក្បាលចុះទៅសមុទ្រហើយ ... "។ ភ្លាមៗបន្ទាប់ពីពួកគេបានបាត់ខ្លួន សហរដ្ឋអាមេរិកបានបញ្ជូនកងទ័ពយន្តហោះជាច្រើន, នាវាយោធាបួន និងមធ្យោបាយសង្គ្រោះមួយចំនួនទៀតចេញស្វែងរក អស់រយៈពេលជាច្រើនសប្តាហ៍ ដោយមិនសម្រាក ប៉ុន្តែសូម្បីតែបំណែកមួយ ឬសំណល់ប្រេង ក៏មិនត្រូវបានរកឃើញដែរ។
ករណីជាច្រើន នៃការបាត់ខ្លួនជាសមូហភាពស្រដៀងគ្នានេះក៏ធ្លាប់កើតឡើងដែរ។ នាឆ្នាំ1711 កងទ័ពអេស្ប៉ាញ 4000នាក់ បានឈប់នៅលើភ្នំ Benny ដើម្បីរង់ចាំមេបញ្ជាការមកដល់។ នៅព្រឹកបន្ទាប់នោះ ពេលដែលមេបញ្ជាការមកដល់ គេរកមិនឃើញទាហាន4000នក់នោះសោះ ខណៈដែលភ្នក់ភ្លើងនៅតែឆេះ , សេះ , កាំភ្លើង នៅនឹងកន្លែងដដែលដូចធម្មតា។
រហូតមកទល់ពេលនេះមានទ្រឹស្តីជាច្រើនបានបញ្ចេញជុំវិញការបាត់ខ្លួនជាសមូហភាពនៃយន្តហោះ និងទាហានខាងលើ តែអ្វីឲ្យពិតប្រាកដគឺគេត្រូវការភស្តុតាងដើម្បីបញ្ជាក់ដែលក្នុងនោះមិនមានអ្នកណាផ្តល់បានឡើយ ហើយពេលវេលាក៏បានរួមចំណែករំលាយវា បន្សល់វាជារឿងចម្លែកដែលត្រូវបានកត់ត្រាទុក៕
ប្រភេទយន្តហោះទម្លាក់គ្រាប់បែកធុន TBM Avenger ដែលបានបាត់
ប្រភព ដោយ : CEN
