ក្រុមអ្នកវិទ្យាសាស្ត្រ របស់សហរដ្ឋអាមេរិច NASA កាលពីពេលថ្មីៗកន្លង ទៅនេះបានចេញសេចក្ដីប្រកាស ម្ដងរួចទៅហើយថានាថ្ងៃអនាគត យើងត្រូវការភពចំនួន 3 សម្រាប់ជីវិតមនុស្សរស់នៅបានបន្តទៀត ដោយតម្រូវអោយពួកគេ ស្វះស្វែងយ៉ាងខ្លាំងក្លាបំផុតទៅ លើគម្រោងធំមួយចំនួន ដោយប្រហែលជានឹងយកភព Mars ដើម្បីអោយមនុស្សទៅរស់នៅទីនោះ។
យ៉ាងណាក៏ដោយដំណឹងថ្មី ហើយល្អមួយបាន ចេញផ្សាយមកថា NASA ថ្មីៗកន្លងទៅនេះបានស្វែងរកឃើញភពដ៏អស្ចារ្យមួយ ដែលមានសណ្ឋានដី សឹងតែនឹងដូចផែនដីទៅហើយ វាមានទំហំប្រហាក់ប្រហែលភពយើងកំពុងរស់នៅផងដែរ តែធំជាង 10% ប៉ុណ្ណោះ ភពនោះមានឈ្មោះថា Kepler-186f។
យ៉ាងណាក៏ដោយដំណឹងថ្មី ហើយល្អមួយបាន ចេញផ្សាយមកថា NASA ថ្មីៗកន្លងទៅនេះបានស្វែងរកឃើញភពដ៏អស្ចារ្យមួយ ដែលមានសណ្ឋានដី សឹងតែនឹងដូចផែនដីទៅហើយ វាមានទំហំប្រហាក់ប្រហែលភពយើងកំពុងរស់នៅផងដែរ តែធំជាង 10% ប៉ុណ្ណោះ ភពនោះមានឈ្មោះថា Kepler-186f។
ភព Kepler-186f តាមការពិតទៅត្រូវបាន រកឃើញចាប់តាំងពីខែមិនា ឆ្នាំ 2009 មកម៉្លេះ ហើយត្រូវបានសិក្សាស្រាវជ្រាវ ជាបន្តបន្ទាប់រហូតមកដល់ឆ្នាំ 2013 កន្លងទៅតែ NASA ទើបតែប្រកាសសម្រេចថាភព នេះពិតជាមានសណ្ឋាន ដូចផែនដីថ្មីៗនេះទេ រីឯចម្ងាយរបស់វាពី ព្រះអាទិត្យក៏មិនខុសគ្នាឆ្ងាយពី ផែនដីយើងផងដែរ តែវាអាចទទួលពន្លឺព្រះអាទិត្យបាន 1 ភាគ 3 ប៉ុណ្ណោះបើប្រៀបធៀបនឹងផែនដី ហើយអ្វីដែលកាន់តែ ពិសេសបំផុតនោះគឺ ស្រទាប់ខាងក្រៅរបស់វា ត្រូវបានគ្របដណ្ដប់ទៅដោយថ្ម និងប្រភពទឹកផងដែរ។ ទោះបីជាយ៉ាងណា ក៏ដោយក្រុមអ្នកវិទ្យាសាស្ត្រ NASA បានប្រកាសទៀតថា ភពនេះអាចនឺងអោយភាវៈ មានជីវិតទាំងឡាយទៅរស់នៅលើវាបាន តែពួកគេក៏មិនទាន់ច្បាស់ផងដែរថា តើស្រទាប់បរិយាកាស របស់វាអាចផ្គត់ផ្គង់ អុកស៊ីសែន ក៏ដូចជាសីតុណ្ហភាពត្រជាក់ខ្លាំង ឬក្ដៅខ្លាំងនោះទេ យ៉ាងណាក៏ដោយពួកគេ ក៏មិនអស់សង្ឃឹមអ្វីឡើយព្រោះក្នុងឆ្នាំ 2018 ខាងមុខផ្កាយរណបថ្មីឈ្មោះ James Webb Space Telescope នឹងបង្ហោះទៅ ត្រួតពិនិត្យភពនោះអោយ បានម៉ត់ចត់បំផុត។
ប្រភព ដោយ : Cambo Report
