ហេតុការណ៍នេះកើតឡើងកាលពីវេលាម៉ោង៤ និង២០នាទរសៀលថ្ងែទី២១ កុម្ភៈ ២០១៤ ស្ថិតនៅកំណាត់ផ្លូវជាតិលេខ៧ ក្នុង ភូមិជីប៉េះ ឃុំមេម៉ត់ ស្រុកមេម៉ត់ ខេត្តត្បូងឃ្មុំ ។
ប្រភពបានឱ្យដឹងថា ជនរងគ្រោះម្នាក់ឈ្មោះ ឡាច ចន្ថា អាយុ៣៥ឆ្នាំ (ម្តាយ) និងម្នាក់ទៀតឈ្មោះឡាប គឹមម៉ី អាយុ១៥ឆ្នាំ (ជាកូនស្រី) អ្នកទាំងពីររស់នៅភូមិខ្នងក្រពើរកើត ឃុំត្រមូង ស្រុកមេមត់ ។
បើតាមសាក្សីនៅកន្លែងកើតហេតុបានឱ្យដឹងថា នៅមុនពេលកើតហេតុ គេឃើញ២នាក់ម្តាយនិងកូនជិះម៉ូតូធ្វើដំណើរពីទិសខាងកើតមកលិច ស្របពេលដែលមកដល់ភូមិជីប៉េះ ក៏មានរថយន្តតូយ៉ូតាមួយបាំងកន្លះ បើកក្នុងទិសដៅបញ្ច្រាសគ្នា ជាមួយម៉ូតូរបស់ជនរងគ្រោះ ហើយបានបើកវ៉ារថយន្តទួរីសមួយគ្រឿងដឹកដែកដែលបើកស្របទិសគ្នា ហើយក៏បានជ្រុលល្បឿនមកបុកម៉ូតូ ជនរងគ្រោះយ៉ាងពេញទំហឹងលាន់ដូចរន្ទះតែម្តង ដែលធ្វើឱ្យម៉ូតូ ផ្លោងខ្ទាតចេញរងការខូចខាត យ៉ាងដំណំ ។ ចំណែកស្រ្តីជាម្តាយបានបាក់ជើង២កំណាត់ ហើយគាត់បានលើកដៃជាសញ្ញាប្រាប់ឱ្យអ្នកដែលនៅក្បែរនោះមកជួយដល់ពួកគាត់ ខណៈពេលដែលកូនស្រីរបស់គាត់ប្រកាច់លើកដៃជើងខ្វៃៗ ។
បន្ទាប់ពីកើតហេតុ ជនរងគ្រោះត្រូវបានរថយន្តហាយប្រ៊ីតមួយគ្រឿងបើកមកឃើញ ហើយក៏ប្រញាប់លើកដាក់លើរថយន្តយកទៅសង្រ្គោះនៅមន្ទីរពេទ្យបង្អែក ស្រុកមេមត់ ។
ប្រភពដោយ : កោះសន្តិភាព អត្ថបទដោយ : ផ្កាយ ព្រឹក
