អភិបាលសាលារាជធានីភ្នំពេញ នៅថ្ងៃពុធនេះ ប្រកាសថា ទីលានប្រជាធិបតេយ្យ នឹងត្រូវបិទ ចាប់ពីថ្ងៃនេះតទៅ ដោយមិនអនុញ្ញាតឲ្យមានការប្រមូលផ្តុំធ្វើបាតុកម្មណាមួយឡើយ រហូតដល់បិទបញ្ចប់ការស៊ើបអង្កេតករណីហិង្សានៅផ្លូវវ៉េងស្រេង។
ក្នុងពិធីសម្ពោធបើកការដ្ឋានមួយ ក្នុងសង្កាត់ជ្រោយចង្វារ រាជធានីភ្នំពេញ លោក ប៉ា សុជាតិវង្ស អភិបាលសាលារាជធានីភ្នំពេញ មានប្រសាសន៍ថា ចាប់ពីថ្ងៃទី១២ ខែមីនា នេះតទៅ អាជ្ញាធរនឹងមិនអនុញ្ញាតឲ្យមានការប្រមូលផ្តុំធ្វើបាតុកម្ម នៅទីលានប្រជាធិបតេយ្យ ក្នុងសង្កាត់វត្តភ្នំ ខណ្ឌដូនពេញ ទៀតទេ រហូតដល់ការស៊ើបអង្កេតករណីហិង្សានៅផ្លូវវ៉េងស្រេងបានបិទបញ្ចប់។
កាលពីថ្ងៃទី០២ និងទី០៣ខែមករា មានការប៉ះទង្គិចដោយហិង្សាមួយនៅផ្លូវវេងស្រេង រវាងកម្លាំងសកមត្ថកិច្ច និងកម្មករ ដែលតវ៉ាទាមទារដំឡើងប្រាក់ឈ្នួល ១៦០ដុល្លារក្នុងមួយខែ បណ្តាលឲ្យមានមនុស្សស្លាប់ និងរបួសជាច្រើននាក់ ហើយមនុស្សចំនួន២៣នាក់ត្រូវបានចាប់ខ្លួន។
មួយថ្ងៃបន្ទាប់ពីមានហេតុការណ៍នោះ អាជ្ញាធររាជធានីភ្នំពេញ ក៏បានបំបែកក្រុមបាតុកររបស់គណបក្សសង្គ្រោះជាតិ ដែលធ្វើបាតុកម្មនៅទីនោះ ហើយមិនអនុញ្ញាតឲ្យមានការប្រមូលផ្តុំណាមួយឡើយ នៅទីលានប្រជាធិបតេយ្យ រហូតមកដល់ពេលនេះ។
ជាមួយគ្នានេះដែរ ការប្រកាសបិទទីលានប្រជាធិបតេយ្យរបស់អភិបាលរាជធានីភ្នំពេញ មិនឲ្យមានការប្រមូលផ្តុំនេះ ធ្វើឡើងបន្ទាប់ពីក្រុមសហព័ន្ធសហជីព និងអង្គការសមាគមចំនួន ១៨ បានយកទីតាំងនោះ ដើម្បីធ្វើវេទិកាសាធារណៈស្តីពីសិទ្ធិការងារ និងទាមទារឲ្យដោះលែងអ្នកជាប់ឃុំទាំង២១នាក់ ប៉ុន្តែត្រូវបានបរាជ័យដោយសារកងកម្លាំងសមត្ថកិច្ចចម្រុះដាក់របងហ៊ុមព័ទ្ធទីនោះ៕
ក្នុងពិធីសម្ពោធបើកការដ្ឋានមួយ ក្នុងសង្កាត់ជ្រោយចង្វារ រាជធានីភ្នំពេញ លោក ប៉ា សុជាតិវង្ស អភិបាលសាលារាជធានីភ្នំពេញ មានប្រសាសន៍ថា ចាប់ពីថ្ងៃទី១២ ខែមីនា នេះតទៅ អាជ្ញាធរនឹងមិនអនុញ្ញាតឲ្យមានការប្រមូលផ្តុំធ្វើបាតុកម្ម នៅទីលានប្រជាធិបតេយ្យ ក្នុងសង្កាត់វត្តភ្នំ ខណ្ឌដូនពេញ ទៀតទេ រហូតដល់ការស៊ើបអង្កេតករណីហិង្សានៅផ្លូវវ៉េងស្រេងបានបិទបញ្ចប់។
កាលពីថ្ងៃទី០២ និងទី០៣ខែមករា មានការប៉ះទង្គិចដោយហិង្សាមួយនៅផ្លូវវេងស្រេង រវាងកម្លាំងសកមត្ថកិច្ច និងកម្មករ ដែលតវ៉ាទាមទារដំឡើងប្រាក់ឈ្នួល ១៦០ដុល្លារក្នុងមួយខែ បណ្តាលឲ្យមានមនុស្សស្លាប់ និងរបួសជាច្រើននាក់ ហើយមនុស្សចំនួន២៣នាក់ត្រូវបានចាប់ខ្លួន។
មួយថ្ងៃបន្ទាប់ពីមានហេតុការណ៍នោះ អាជ្ញាធររាជធានីភ្នំពេញ ក៏បានបំបែកក្រុមបាតុកររបស់គណបក្សសង្គ្រោះជាតិ ដែលធ្វើបាតុកម្មនៅទីនោះ ហើយមិនអនុញ្ញាតឲ្យមានការប្រមូលផ្តុំណាមួយឡើយ នៅទីលានប្រជាធិបតេយ្យ រហូតមកដល់ពេលនេះ។
ជាមួយគ្នានេះដែរ ការប្រកាសបិទទីលានប្រជាធិបតេយ្យរបស់អភិបាលរាជធានីភ្នំពេញ មិនឲ្យមានការប្រមូលផ្តុំនេះ ធ្វើឡើងបន្ទាប់ពីក្រុមសហព័ន្ធសហជីព និងអង្គការសមាគមចំនួន ១៨ បានយកទីតាំងនោះ ដើម្បីធ្វើវេទិកាសាធារណៈស្តីពីសិទ្ធិការងារ និងទាមទារឲ្យដោះលែងអ្នកជាប់ឃុំទាំង២១នាក់ ប៉ុន្តែត្រូវបានបរាជ័យដោយសារកងកម្លាំងសមត្ថកិច្ចចម្រុះដាក់របងហ៊ុមព័ទ្ធទីនោះ៕
ប្រភព និង អត្ថបទ ដោយ : ពេជ្រ សុធារី (VOD)
