ចិន៖ រឿងរ៉ាវហួសចិត្តមួយ បានធ្វើអោយសាមីខ្លួន មិត្តភក្តិនិងសាច់ញាតិ នារីជនជាតិចិនម្នាក់មានអាយុ ២៧ ឆ្នាំ រងនូវការអាម៉ាស់មុខជាខ្លាំងនៅក្នុងសង្គម។រឿងនេះកើតឡើងដោយសារបុរសម្នាក់ជាអតីតមិត្តប្រុសរបស់នាង បានលួចបង្ហោះវីដេអូសិចពួកគេទាំងពីរទៅលើប្រព័ន្ធអនឡាញ បន្ទាប់ពីអ្នកទាំងពីរបានចែកផ្លូវគ្នា អស់ពេលមួយរយៈ។ សូមជម្រាបជូនផងដែរថា បុរសអគតិនោះមិនត្រឹមតែបង្ហោះវីដេអូស្រើបស្រាលប៉ុណ្ណោះទេ គេថែមទាំងបានបង្ហោះរូបភាពអាក្រាតរបស់នាងថែមទៀតផង។
ចំពោះបញ្ហាថតវីដេអូ និងរូបស្រើបស្រាលមួយនេះ ហាក់បីដូចកំពុងពុះកញ្ជ្រោលយ៉ាងខ្លាំងនៅប៉ុន្មានឆ្នាំចុងក្រោយនេះ បន្ទាប់ពីវត្តមាន Smartphone ចាប់ផ្ដើមដំណើរការលើទីផ្សារ។ គូស្នេហ៍យុវវ័យភាគច្រើន ចូលចិត្តថតរូបជាមួយគ្នាក្នុងពេលដែលស្នេហាផ្អែមល្ហែម ប៉ុន្តែពួកគេមិនបានដឹងថា ក្រោយពេលបែកគ្នានឹងមានរឿងអ្វីកើតឡើងនោះទេ។
ដោយឡែករឿងដូចគ្នានេះក៏ធ្លាប់កើតមាននៅកម្ពុជាផងដែរ ដោយលទ្ធផលខាងស្រីត្រូវខូចឈ្មោះ ខណៈខាងប្រុសត្រូវសម្រាកក្នុងគុកលេងមួយរយៈ។ ដូច្នេះដើម្បីជៀសវាងប្រការនេះ យុវវ័យគួរកុំបណ្ដោយខ្លួនជ្រុលពេកក្នុងរឿងស្នេហា៕
ប្រភព ដោយ : HRnews24
