អ៊ុយគ្រែនបានចេញសេចក្តីព្រមាននៅថ្ងៃអាទិត្យម្សិលមិញថា ប្រទេសកំពុងស្ថិតក្នុងសភាពគ្រោះថ្នាក់ ហើយប្រកាសរៀបចំកម្លាំងទ័ពដើម្បីធ្វើសង្គ្រាមបន្ទាប់ពីមានការគំរាមកំហែងលុកលុយពីប្រទេសរុស្ស៊ី។
នាយករដ្ឋមន្ត្រីអ៊ុយគ្រែនថ្មីដែលមានទំនោរទៅរកប្រទេសលោកខាងលិចលោក Arseniy Yatsenyuk ថ្លែងថា ប្រទេសកំពុងស្ថិតក្នុងមាត់ជ្រោះនៃគ្រោះមហន្តរាយ បន្ទាប់ពីផ្តួលរំលំរដ្ឋាភិបាលដែលមានរុស្ស៊ីគាំទ្រ។ នេះបើតាមការចុះផ្សាយរបស់បណ្តាញសារព័ត៌មានChannel News Asia។
លោក Arseniy Yatsenyuk ថ្លែងតាមទូរទស្សន៍ផ្តោតលើការលុកលុយរបស់រុស្ស៊ីលើទឹកដីរស់បខ្លួនថា អាចនឹងមានសង្គ្រាមផ្ទុះឡើងនិង បញ្ចប់រាល់ទំនាក់ទំនងទាំងអស់ជាមួយរុស្ស៊ី។
ពេលស្ថានភាពនយោបាយកំពុងតានតឹង សភាប្រទេសរុស្ស៊ី បានអនុម័តឲ្យរដ្ឋាភិបាលក្រុង មូស្កូ ពង្រាយទ័ពនៅតំបន់ Crimea ដើម្បីពង្រឹងសន្តិសុខ ហើយការពារផលប្រយោជន៍ពាណិជ្ជកម្មរបស់រុស្ស៊ី ខណៈដែលប្រទេស អ៊ុយគ្រែន បានប្រកាស ត្រៀមបញ្ជូនកងព័ទទៅតំបន់នោះ ដើម្បីការពារអធិបតេយ្យរបស់ខ្លួន។
អ៊ុយគ្រែនត្រៀមលក្ខណៈធ្វើសង្គ្រាមបន្ទាប់ពីមានការគំរាមកំហែងពីរុស្ស៊ី
ប្រភព និង អត្ថបទ ដោយ : ពៅ មេត្តា (VOD)
