.jpg)
នាយករដ្ឋមន្ត្រីអូស្ត្រាលី លោក Tony Abbott(រូបថតដោយAFP)
នាយករដ្ឋមន្ត្រីអូស្ត្រាលី លោក Tony Abbott នៅថ្ងៃអាទិត្យនេះ បង្ហាញពីការកើនឡើងនៃសេចក្តីសង្ឃឹមក្នុងការ ស្វែងរកយន្តហោះម៉ាឡេស៊ី MH370 ដែលបាត់អស់រយៈ ពេល១៥ថ្ងៃមកហើយ។
ការប្រកាសបែបនេះ បន្ទាប់ពីផ្កាយរណបអូស្ត្រាលី បានថតឃើញបំណែកចំនួនពីរ នៅសមុទ្រឥណ្ឌាភាគខាងត្បូង។ អូស្ត្រាលី អាមេរិក ជប៉ុន និងចិន កំពុងតែស្វះស្វែងក្នុងការ ជួយរកយន្តហោះ។
សារព័ត៌មាន Channel News Asia រាយការណ៍ដោយដកស្រង់ សម្តីរបស់លោក Tony Abbott ថា វាហាក់ដូចជាលឿន បន្តិចក្នុងការកំណត់ ប៉ុន្តែវាច្បាស់ណាស់ទៅហើយ ដែលឥឡូវនេះ មានតំរុយមួយចំនួន ដែលទុកចិត្តយ៉ាងខ្លាំង ហើយសេចក្តីសង្ឃឹម នឹងមាន។ លោកបន្តថា៖« យើង ប្រហែលជានៅលើផ្លូវក្នុងការ ស្វែងអ្វីដែលកើតឡើងទៅ លើយន្តហោះ»។
ការលើកឡើង របស់នាយករដ្ឋមន្ត្រីអូស្ត្រាលី បន្ទាប់ពីអាជ្ញាធរសុវត្ថិភាព ផ្លូវសមុទ្ររបស់អូស្ត្រាលី ប្រកាសថាការ ព្យាយាមបន្ថែម នឹងកើតមានឡើង ថាតើបំណែកដែលថតឃើញនោះ ទាក់ទងនឹងយន្តហោះMH370ឬយ៉ាងណា។
កាលពីថ្ងៃសៅរ៍ ប្រទេសចិន បានផ្សព្វផ្សាយនូវរូបភាព ពីផ្កាយរណបរបស់ខ្លួន ដែលថតបានបំណែកប្រវែងជាង២០ម៉ែត្រ ទទឹង១៣ម៉ែត្រ សង្ស័យថាជាយន្តហោះម៉ាឡេស៊ីMH370 ដែលបានបាត់អស់រយៈពេល ជាង២សប្តាហ៍មកហើយ។រូបភាពដែលប្រទេសចិនបង្ហាញនោះ ត្រូវបានថតដោយផ្កាយរណបកាល ពីរសៀលថ្ងៃអង្គារសប្តាហ៍នេះ ហើយបំណែកនេះ អណ្តែតប្រហែលជា១២០គីឡូម៉ែត្រ នៅភាគនិរតីពី កន្លែងដែលអូស្ត្រាលី រកឃើញបំណែកមួយដែរ ដែលសង្ស័យថាជាយន្តហោះដែលបាត់។
ការប្រកាសបែបនេះ បន្ទាប់ពីផ្កាយរណបអូស្ត្រាលី បានថតឃើញបំណែកចំនួនពីរ នៅសមុទ្រឥណ្ឌាភាគខាងត្បូង។ អូស្ត្រាលី អាមេរិក ជប៉ុន និងចិន កំពុងតែស្វះស្វែងក្នុងការ ជួយរកយន្តហោះ។
សារព័ត៌មាន Channel News Asia រាយការណ៍ដោយដកស្រង់ សម្តីរបស់លោក Tony Abbott ថា វាហាក់ដូចជាលឿន បន្តិចក្នុងការកំណត់ ប៉ុន្តែវាច្បាស់ណាស់ទៅហើយ ដែលឥឡូវនេះ មានតំរុយមួយចំនួន ដែលទុកចិត្តយ៉ាងខ្លាំង ហើយសេចក្តីសង្ឃឹម នឹងមាន។ លោកបន្តថា៖« យើង ប្រហែលជានៅលើផ្លូវក្នុងការ ស្វែងអ្វីដែលកើតឡើងទៅ លើយន្តហោះ»។
ការលើកឡើង របស់នាយករដ្ឋមន្ត្រីអូស្ត្រាលី បន្ទាប់ពីអាជ្ញាធរសុវត្ថិភាព ផ្លូវសមុទ្ររបស់អូស្ត្រាលី ប្រកាសថាការ ព្យាយាមបន្ថែម នឹងកើតមានឡើង ថាតើបំណែកដែលថតឃើញនោះ ទាក់ទងនឹងយន្តហោះMH370ឬយ៉ាងណា។
កាលពីថ្ងៃសៅរ៍ ប្រទេសចិន បានផ្សព្វផ្សាយនូវរូបភាព ពីផ្កាយរណបរបស់ខ្លួន ដែលថតបានបំណែកប្រវែងជាង២០ម៉ែត្រ ទទឹង១៣ម៉ែត្រ សង្ស័យថាជាយន្តហោះម៉ាឡេស៊ីMH370 ដែលបានបាត់អស់រយៈពេល ជាង២សប្តាហ៍មកហើយ។រូបភាពដែលប្រទេសចិនបង្ហាញនោះ ត្រូវបានថតដោយផ្កាយរណបកាល ពីរសៀលថ្ងៃអង្គារសប្តាហ៍នេះ ហើយបំណែកនេះ អណ្តែតប្រហែលជា១២០គីឡូម៉ែត្រ នៅភាគនិរតីពី កន្លែងដែលអូស្ត្រាលី រកឃើញបំណែកមួយដែរ ដែលសង្ស័យថាជាយន្តហោះដែលបាត់។
អ្នកជំនាញ និយាយថា បើទោះបីបំណែកនៅសមុទ្រឥណ្ឌា ដែលត្រូវបានថតដោយផ្កាយរណបរបស់អូស្ត្រាលី ជាបំណែករបស់យន្តហោះMH370 ដំណើរការស្វែងរកយន្តហោះ ជាកិច្ចការលំបាកមួយ ដែលអាចត្រូវការពេលរាប់ខែ ដោយសារតែផ្លូវឆ្ងាយ និងត្រូវការឧបករណ៍ពិសេស។
បំណែកដែលផ្កាយរណបចិនថតបាន និងសង្ស័យថាជាយន្តហោះMH370
តំបន់ក្នុងសមុទ្រឥណ្ឌាភាគខាងត្បូង ដែលសង្ស័យជាកន្លែងបំណែក យន្តហោះរបស់ម៉ាឡេស៊ីអណ្តែត ស្ថិតនៅចម្ងាយជិត៦ ពាន់គីឡូម៉ែត្រ ដែលត្រូវការពេល វែងដើម្បីទៅដល់។សារព័ត៌មានWall Street Journal ចុះផ្សាយដោយដកស្រង់សម្តីអ្នកជំនាញថា វាត្រូវការពេល ប្រហែលជា២០ម៉ោង សម្រាប់ការធ្វើដំណើរទៅវិញទៅមក ហើយវាត្រូវការការចាក់សាំងនៅតាមផ្លូវ។ អ្នកជំនាញ លោក David G. Gallo ប្រធានគម្រោងពិសេសនៃវិទ្យាស្ថានសិក្សាលើបញ្ហាសមុទ្រ Woods Hole មានប្រសាសន៍ថា បើទោះបី បំណែកនៅសមុទ្រឥណ្ឌា ដែលសង្ស័យថាជាយន្តហោះម៉ាឡេស៊ី ក្លាយជាការពិត ការស្វែងរកបំណែកនោះ អាចនឹងត្រូវការពេលរាប់ខែ។ លោកបន្តថា ប្រសិនបើគ្រាន់តែប្រើនាវា ចំបាំងក្រោមទឹកទៅតំបន់នោះ វាត្រូវការពេលមួយខែ និងនៅពេលទៅដល់ វាអាចត្រូវការពេលពីមួយខែ ទៅប្រាំមួយខែ មុនពេលដែលពួកគេអាច ស្វែងរកយន្តហោះ ដែលបាត់នោះ៕
ប្រភព ដោយ : VOD
